ШАГ
27.04.202327.04.2023г. для вучняў 8-9 класаў прайшлі мерапрыемствы інфармацыйна-адукацыйнага праекта “Школа актыўнага грамадзяніна” па тэме “Гонар за Беларусь. Культура беларускага народа: традыцыі, спадчына, сучаснасць” (матэрыяльная і духоўная гістарычна-культурная спадчына, прафесіянальнае і народнае мастацтва, грамадскія творчыя ініцыятывы і інш.).
Гасцямі ШАГа былі пратаіерэй Вадзім Кузьміч –памочнік благачыннага па рэлігійнай адукацыі і катэхізацыі Навагрудскай царкоўнай акругі і бібліятэкар Кашалеўскага СДК Калодка З.С.
ШАГ 1. “Мы даведваемся”.
Класны кіраўнік 8 класа Лазарэвіч М.К. пазнаёміла вучняў са зместам інфармацыйных блокаў:
“Беларусь- краіна многавекавой і самабытнай культуры”
“Беларусь – краіна таленавітых людзей”
Перад вучнямі выступіў пратаіерэй Вадзім Кузьміч –памочнік благачыннага па рэлігійнай адукацыі і катэхізацыі Навагрудскай царкоўнай акругі. Ён расказаў аб культурным і духоўным развіцці беларускага народа ў сённяшні час.
ШАГ 2. “Мы разважаем”.
З дзецьмі прайшло абмеркаванне інфармацыі, атрыманай у ШАГу 1.
У цэнтры абмеркавання былі закрануты пытанні захавання і прымнажэння культурных і духоўных каштоўнасцей і традыцый, міжнародныя фестывалі, прэмія “За духоўнае адраджэнне”, актыўная жыццёвая пазіцыя.
У мэтах далучэння школьнікаў да народнай культуры, фарміравання цікавасці да традыцый праваслаўных свят адбылося мерапрыемства “Нябеснай радасці адчыняцца сэрцы!”, прысвечанае святу Вялікадня. Вучнямі было паказана казачнае прадстаўленне “ Прамудры Цар!” Героі пастаноўкі сваёй гісторыяй данеслі гледачам простую, але важную ісціну: не варта ганарыцца матэрыяльным, таму што гэта — падарунак ад Бога. Кіраўніком праваслаўнага свята з'яўлялася Калодка З.С. Мерапрыемтсва было напоўнена народнай музыкай, народнымі песнямі, якія выпраменьвалі цяпло, святло і дабрыню.
ШАГ 3. “Мы дзейнічаем”.
Пры падвядзенні вынікаў школьнікі падкрэслілі актуальнасць тэмы сённяшняй размовы і выказалі жаданне працягваць удзел у сумесных з Кашалеўскім СДК мерапрыемствах па прымнажэнні культурных і духоўных каштоўнасцей і традыцый. Напрыканцы мерапрыемства ўдзельнікі ШАГа прадставілі работы на тэму “Вялікдзень-Дзень СВЯТЫХ цудаў” у рознай тэхніцы выканання.