24 сакавіка ва ўстанове адукацыі прайшла ўрачыстая лінейка па выніках 3 чвэрці.
24.03.202324 сакавіка ва ўстанове адукацыі прайшла ўрачыстая лінейка па выніках 3 чвэрці. Лінейка пачалася ярка і цікава. Па традыцыі пад песню “Школьныя таварышы” дружна пастроіліся на лінейку вучні 1- 9 класаў. У пачатку прайшла пераклічка, вядучы называў клас, а рабяты дружна адказвалі.
Загучаў гімн Рэспублікі Беларусь. Лепшыя вучні ўстановы адукацыі Юрчык Ірына і Астроўскі Цімур паднялі сцяг Рэспублікі Беларусь і сцяг горада Навагрудка.
Дырэктар установы адукацыі Гарэлік А.Г. павіншавала ўсіх прысутных з пачаткам доўгачаканых канікул, пажадала плённа адпачыць, умацаваць здароўе, аздаравіцца ў школьным лагеры “Сцяжынкамі дабрыні”, наведваць выхаваўчыя мерапрыемствы ў школе.
Намеснік дырэктара па вучэбна – выхаваўчай рабоце Арціменя М.В. пазнаёміла рабят з планам найбольш цікавых выхаваўчых і спартыўных мерапрыемстваў на канікулах.
Асаблівая ўвага была нададзена правілам бяспечных паводзін вучняў падчас канікул.
За дасягненні ў вучобе, спорце, грамадскай дзейнасці лепшыя вучні ўстановы адукацыі атрымалі ганаровыя граматы.