Першы дзень канікул

Першы дзень канікул прайшоў змястоўна і плённа.  У рамках акцыі “Місія жыць!” для рабят быў арганізаваны прагляд відэаролікаў супрацьнаркатычнага напрамку, а вучні старэйшых класаў  вырашылі прыняць удзел у конкурсе на лепшы сацыяльны ролік “# наркотикам.NET”, напраўлены на прафілактыку і распаўсюджанне наркатычных рэчываў.

Цімураўцы прадоўжылі пачатую ў суботні школьны дзень акцыю “Дрэва героя”, згрэблі і ўбралі лісце ў парку Воінам – аднавяскоўцам, загінуўшым у гады Вялікай Айчыннай вайны.

У першы дзень канікул быў аб’яўлены конкурс карысных спраў “Здай макулатуру – захавай дрэва”. Асабліва пастараліся вучні 5 і 7 класаў. Сямашка Дзмітрый пранёс 45 кг. Макулатуры.

Завяршылі канікулярны дзень рухомыя гульні на свежым паветры і спаборніцівы па валейболу.

фотагалерэя