«Аб чым звоняць званы Хатыні»
22.03.2023Вучні і настаўнікі Кашалеўскай базавай школы, актывісты БРПО, грамадскасць аг. Кашалева прынялі ўдзел у мітынгу ў памяць трагедыі Хатыні «Аб чым звоняць званы Хатыні». На мітынгу прысутнічала начальнік аддзела ідэалогіі і па справах моладзі Навагрудскага райвыканкама Жышко Н.М.
Мітынг прайшоў пад лозунгам «Хатынская трагедыя вачыма нашчадкаў» ля помніка воінам – землякам, загінуўшым у гады Вялікай Айчыннай вайны.
У бягучым годзе спаўняецца 80 гадоў з дня трагедыі вёскі Хатынь. У сучасным свеце няма чалавека, які б не ведаў і не чуў слова «Хатынь». Назва невялікай беларускай вёскі стала сімвалам трагедыі народа Беларусі ў час Вялікай Айчыннай вайны.
Хатынь – сімвал вечнай памяці і смутку беларускага народа!